Kiyevə Rusiya ordusunun zərbələri nəticəsində ölənlərin sayı 20-ə çatıb

Ukrayna paytaxtı Kiyev avqustun 28-də Rusiya ordusu tərəfindən yenidən kütləvi hücum məruz qalıb.

"Report"un Şərqi Avropa bürosunun məlumatına görə, bütün ölkə üzrə 600 qədər dron, 8 ballistik raket və 2 avia raket hücumları olub ki, bunun da yarısı paytaxtın payına düşür.

Ukrayna Dövlət Fövqəladə Hallar Xidmətinin idarə rəisi, polkovnik, Svetlana Vodoloqanın verdiyi məlumata əsasən, təkcə paytaxtda xilasedicilər 8 rayonda 23 məntəqədə işləyirlər. Onun sözlərinə görə, Kiyevdə hücumlar nəticəsində 20 nəfər ölüb.  

Qeyd edək ki, Kiyevin Xarkovsk rayonunda, daha çox dağıntıların olduğu beşmərtəbəli yaşayış evində Ramiz adlı azərbaycanlı da itkin düşüb. Onu dağıntılar altında axtarırlar.