Kiyev. 19 oktyabr. REPORT.AZ/ Ukraynanın paytaxtı Kiyevdə Ali Radanın qarşısında keçirilən mitinqdə, təxminən, minə yaxın insan iştirak edir.
"Report"un Ukrayna bürosunun məlumatına görə, parlamentin qarşısına toplaşanlar deputat toxunulmazlığının ləğvini, Antikorrupsiya Məhkəməsinin yaradılmasını, eləcə də seçkilər barədə qanuna dəyişikliklər edilməsini tələb edirlər.
Qeyd edək ki, bu dəqiqələrdə Ali Rada deputatların toxunulmazlığının ləğvinə dair iki qanun layihəsini nəzərdən keçirməyə başlayıb.
Etirazçılar parlamentin onların tələblərini nəzərə almayacağı təqdirdə, çadırları yığışdırmayacaqlarına söz veriblər.