Kiyev məhkəməsində iğtişaşlara görə 30 nəfər saxlanılıb

Bakı. 24 oktyabr. REPORT.AZ/ Ukrayna paytaxtı Kiyevin Svyatoşinsk rayon məhkəməsinin binasında baş verən iğtişaşlara görə 30 nəfər saxlanılıb.

"Report" Ukrayna KİV-inə istinadən xəbər verir ki, bu barədə Kiyevin polis rəisi Andrey Krişinko bildirib.

Onun sözlərinə görə, hazırda hadisə yerində vəziyyət sakitdir.

Qeyd edək ki, məhkəmə zalında iğtişaşlar "Ukrayna millətçilər təşkilatının" lideri Nikolay Koxanivskiyə Kiyevdə atəş açdığına görə qətimkan tədbiri seçilən zamanı baş verib. Onun tərəfdarları gecəni məhkəmədə keçirərək zala girişin önündə barikada qurublar.