KİV: Tramp Səudiyyə Ərəbistanındakı sammitdə Fələstinin müstəqilliyini tanıya bilər

ABŞ Prezidenti Donald Tramp Səudiyyə Ərəbistanındakı sammitdə Fələstinin dövlət müstəqilliyinin tanınması barədə bəyanat verə bilər.

"Report" xəbər verir ki, bu barədə “The Jerusalem Post” qəzeti ABŞ-nin “The Media Line” agentliyinə istinadən yazır.

"Prezident Donald Tramp Fələstin dövləti məsələsi və onun ABŞ tərəfindən tanınması ilə bağlı qərarını, o cümlədən HƏMAS-ın iştirakı olmadan Fələstin dövlətinin yaradılmasını elan edəcək", – məlumatda qeyd edilib.

Mənbələrin məlumatına görə, Fələstinin tanınması qərarı HƏMAS-ın yeni dövlətin idarə edilməsində iştirak etməməsi şərtinə əsaslanacaq.