KİV: Le Pen Mayottada qəzaya uğrayıb

Fransa parlamentində sağçı "Milli Birlik" Partiyası fraksiyasının rəhbəri Marin Le Pen Mayottaya səfəri zamanı dənizdə qəzaya uğrayıb.

“Report” xəbər verir ki, bu barədə BFMTV mənbələrə istinadən məlumat yayıb.

Bildirilib ki, hadisə bu gün səhər saatlarında baş verib. Marin Le Penin olduğu barja qarşıdan gələn digər barja ilə toqquşub.

Vurğulanıb ki, üç nəfər yüngül xəsarət alıb, onlardan biri huşunu itirib. Le Penin özünə zərər dəyməyib.