KİV: İran Nüvə Silahlarının Yayılmaması haqqında Müqavilədən çıxmaq planını təsdiqləmək niyyətindədir

İran parlamenti Nüvə Silahlarının Yayılmaması haqqında Müqavilədən çıxmaq planını hazırlamağa başlayıb.

"Report" xəbər verir ki, bu barədə Yaxın Şərq KİV-ləri iranlı deputat Hüseyn Əli Hacı-Dəliqaniyə istinadən bildirib.

Onun sözlərinə görə, müqavilədən çıxmaq planı bu gün deputatların müzakirəsinə təqdim ediləcək və gələn həftə təsdiqlənəcək.

"Burada yeni heç nə yoxdur. Artıq dediyimiz kimi, bu, bizə qarşı sanksiyaları əhatə edən tətikləyici mexanizmin aktivləşdirilməsinin nəticəsidir", - deputat qeyd edib.

Tehran hesab edir ki, bu tədbir Böyük Britaniya, Fransa və Almaniyanın İranın nüvə proqramına qarşı BMT-nin sanksiyalarının bərpası təşəbbüsünə cavabdır.