KİV: İran bir neçə gün ərzində İsrailə hücum edə bilər

İsrailin xüsusi xidmət orqanları hesab edir ki, İran Fələstin hərəkatının siyasi bürosunun rəhbəri İsmayıl Haniyənin öldürülməsinə cavab olaraq İsrailə birbaşa zərbə vurmaq qərarına gəlib.

“Report”un xəbərinə görə, bu barədə “Axios” portalının müxbiri iki mənbəyə istinadən məlumat yayıb.

"İsrail xüsusi xidmət orqanlarının yenilənmiş qiymətləndirməsinə görə, İran HƏMAS-ın Siyasi Bürosunun rəhbəri İsmayıl Haniyənin qətlinə görə qisas almaq üçün birbaşa İsrailə hücum etmək qərarına gəlib və bu, avqustun 15-də girov danışıqlarından bir neçə gün əvvəl baş verə bilər", - o “X” sosial şəbəkəsində yazıb.