KİV: Harris avqustda ABŞ-nin vitse-prezidentliyinə namizədini açıqlayacaq

ABŞ-nin vitse-prezidenti Kamala Harris, hazırda demokratların prezident seçkilərində iştirakı üçün ən çox ehtimal olunan namizəd hesab edilir, o, avqustun əvvəlində seçki yarışında tərəfdaşını elan edəcək.

“Report”un məlumatına görə, bu barədə CNN telekanalı mənbələrə istinadən xəbər verib.

"O, rahat olduğu və lazım gələrsə, prezident olmağa hazır olan birini seçəcək", - xəbərdə qeyd olunur.

Harris hələ planlarını açıqlamayıb.

Potensial vitse-prezidentliyə namizədin adının yaxın iki həftə ərzində məlum olacağı gözlənilir.

ABŞ-də prezident seçkiləri noyabrın 5-də keçiriləcək.