KİV: Con Tun ABŞ Senatında respublikaçı çoxluğun lideri seçilib

Senator Con Tun ABŞ Konqresinin yuxarı palatasında Respublikaçılar çoxluğun lideri seçilib.

“Report” xəbər verir ki, bu barədə “Reuters” mənbələrə istinadən məlumat yayıb.

Respublikaçı senatorların səsverməsi bağlı qapılar arxasında keçirilib.

Qeyd olunub ki, 53 səsdən ən azı 27 səs toplayan Tun ABŞ qanunverici orqanının yuxarı palatasındakı Respublikaçılar fraksiyasının hazırkı lideri, 2025-ci ilin yanvarında vəzifəsini tərk edəcək Mitç Makkonnelli əvəz edəcək.