KİV: Çexiya Ordusu tank əleyhinə 10 min mina alacaq

Çexiya Ordusu yaxın 7 ildə azı 10 min ədəd tank əleyhinə “Sentry” minası alacaq.

“Report” xəbər verir ki, bu barədə CTK informasiya agentliyi məlumat yayıb.

Qeyd olunur ki, yeddi il ərzində tank əleyhinə minaların tədarükünə dair saziş Müdafiə Nazirliyi tərəfindən “STV Group” şirkəti ilə bağlanıb.

Əməliyyat 4,08 milyard kron (təxminən 162 milyon avro) qiymətləndirilir. Agentliyin məlumatına görə, “STV Group” minaların istehsalında “Sentry”, partlayıcı və sursat istehsalında ixtisaslaşmış fin şirkəti “Fort Defense” ilə əməkdaşlıq edəcək.