KİV: Britaniya sakini məhkəmə səhvi ucbatından 38 il həbsxanada yatıb

Böyük Britaniyanın Apellyasiya Məhkəməsi 38 il həbsdə yatmış 68 yaşlı Piter Sallivana qarşı haqsız qətl ittihamını ləğv edib, bu, ölkə tarixində ən uzun ədalətsizlik hadisəsi olub.

"Report" xəbər verir ki, bu barədə "The Guardian" qəzeti məlumat yayıb.

O, DNT testi sayəsində bəraət alıb. Cinayət İşinə Nəzarət Komissiyasının əlavə təhlili cinayət yerində sübut Sallivandan heç bir genetik material tapmayıb. Prokurorluq izah edib ki, 1980-ci illərdə belə testlər mövcud olsaydı, səhv qərar qəbul olunmazdı.

Piter Sallivan 1987-ci ildə Liverpul yaxınlığındakı Bebinqtonda bir qızı öldürməkdə təqsirli bilinib. O, təqsirini boynuna almayıb, vəkilləri məhkəmənin qərarından iki dəfə apellyasiya şikayəti veriblər.