ABŞ Ukrayna və Avropadan nizamlanma ilə bağlı şərtlər siyahısına cavab gözləyir

ABŞ Kiyev və Avropadan Ukraynada nizamlanma ilə bağlı şərtlər siyahısına cavab gözləyir.

"Report" xəbər verir ki, bu barədə NBC telekanalı adı açıqlanmayan yüksək vəzifəli ABŞ rəsmisinə istinadən məlumat yayıb.

Məlumata görə, bu siyahını Fransada ötən həftə amerikalı xüsusi nümayəndələr irəli sürüb.

Mənbə vurğulayıb ki, ABŞ, Avropa və Ukrayna arasındakı növbəti danışıqlar raundu kritik əhəmiyyət daşıyır:

"Gözlənilir ki, Ukrayna və Avropa Prezident Donald Trampın xüsusi nümayəndələri Stiv Uitkoff və Kit Kelloqq tərəfindən Parisdə irəli sürülən şərtlər siyahısına cavab təqdim edəcək".