KİV: ABŞ Rusiyanın nüvə silahının tətbiqi ssenarisinə hazırlaşır

ABŞ hökuməti Rusiyanın Ukrayna ərazisində nüvə silahının tətbiqi ssenarisinə hazırlaşır.

“Report” xəbər verir ki, bu barədə xarici KİV Ağ Evdəki iki yüksək rütbəli şəxsə istinadən məlumat yayıb.

Bildirilib ki, ABŞ 2022-ci ilin sonundan bu ehtimala hazırlaşır.

Qeyd olunub ki, belə ssenarilərə hazırlaşmaq Vaşinqtonun hüququdur: “ABŞ 2022-ci ilin sonundan bəri Hindistan və Çinlə gizli əlaqə saxlayır və narahatlığını Kremlə də bildirir”.

Xatırladaq ki, Rusiya Prezidenti Vladimir Putin və Rusiya Təhlükəsizlik Şurasının müavini Dmitri Medvedev daha əvvəl bir neçə dəfə deyiblər ki, Moskva lazım gəlsə nüvə silahının tətbiqindən çəkinməyəcək.