KİV: ABŞ-də təyyarə qəzasından sağ çıxan yoxdur

ABŞ-də sərnişin təyyarəsi ilə hərbi helikopterin toqquşmasından sonra sağ qalanların olmadığı ehtimal edilir.

Bu barədə “Report” xarici KİV-ə istinadən xəbər verir.

“Fövqəladə hallar rəsmiləri Vaşinqton ərazisində “American Airlines” sərnişin təyyarəsi ilə “Black Hawk” hərbi helikopterinin havada toqquşmasından sonra sağ qalanların olmadığını deyirlər”, - mediada qeyd olunub.

Xatırladaq ki, təyyarənin göyərtəsində 64 nəfər, helikopterdə isə 3 hərbçi olub.

Daha əvvəl “American Eagle Flight 5342” təyyarəsinin və hərbi helikopterin qalıqlarının tapıldığı Vaşinqtondakı Potomak çayından 30-dan çox meyitin çıxarıldığı bildirilmişdi.