KİV: ABŞ bu gün Ukraynaya tükənmiş uran mərmilərinin tədarükünü elan edəcək

ABŞ sentyabrın 6-da tükənmiş uran mərmilərinin Ukraynaya verilməsini elan edəcək.

Bu barədə “Report” “Politico”ya istinadən xəbər verir.

Məlumata görə, müzakirələrin gedişatı ilə tanış olan ABŞ rəsmisi Cozef Baydenin administrasiyasının yeni yardım paketi çərçivəsində ilk dəfə Ukraynaya tükənmiş uran sursatları göndərəcəyini bildirib.

Qərar Rusiya tanklarına qarşı çox təsirli olacağı gözlənilən zirehdeşici mərmilərlə bağlı aylarla davam edən müzakirələrdən sonra verilib.

Buna qədər Böyük Britaniya özü göndərdiyi “Challenger” 2 tanklarını silahlandırmaq üçün Ukraynaya bu cür sursat göndərsə də, ABŞ ilk dəfədir belə mərmi göndərəcək.