Yuxarı

​KİV: "Vurulan "Su-24" təyyarəsinin ikinci pilotu Suriya hərbçiləri tərəfindən təxliyə edilib"

Pilot ilə əlaqə altı saat davam edən axtarışlardan sonra bərpa olunub

Bakı. 25 noyabr. REPORT.AZ/ Türkiyə tərəfindən vurulan Rusiyaya məxsus "Su-24" bombardımançı təyyarəsinin ikinci pilotu Suriya hərbçiləri tərəfindən təxliyə edilib.

"Report" Rusiya mətbuatına istinadən xəbər verir ki, bu barədə "Al Mayadeen" nəşri yazıb.

Qeyd olunur ki, pilot ilə əlaqə altı saat davam edən axtarışlardan sonra bərpa olunub. Suriya xüsusi təyinatlıları təyyarəçini yaraqlıların arxa cəbhəsindən iki saata çıxarıblar. Hazırda o, Rusiyanın Xmeymim aviabazasında təhlükəsiz şəraitdədir.

Məlumatla bağlı hələ ki, rəsmi təsdiq yoxdur.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi