Yuxarı
    Bağlamaq

    KİV: Səmərqənddə Özbəkistan prezidentinin dəfninə hazırlıq işləri görülür

    İslam Kərimovun vəfat etməsi sentyabrın 2-də elan olunacaq

    Bakı. 02 sentyabr. REPORT.AZ/ Özbəkistanda ölkə prezidenti İslam Kərimovun dəfninə hazırlıq işləri gedir.

    "Report" xəbər verir ki, bu barədə yerli "Fergananews" informasiya agentliyi məlumat yayıb.

    Sözügedən sayt bundan əvvəl prezidentin ölüm xəbərini yaymışdı.

    Saytın mənbəsinin verdiyi xəbərə görə, Səmərqənd şəhərində özbək liderinin dəfninə hazırlıq görülür. Prezidentin vəfat etməsi sentyabrın 2-də elan olunacaq, dəfn mərasimi isə ayın 3-də keçiriləcək.

    "Azadlıq" radiostansiyası ölkənin baş naziri Şövkət Mirziyayevin artıq Səmərqəndə getdiyini xəbər verib.

    Rəsmi Daşkənd dövlət başçısının öldüyünə dair xəbəri təkzib edir. Həmçinin dünya liderləri bu yaxınlarda Özbəkistanın Müstəqillik Günü münasibəti ilə İslam Kərimovu təbrik ediblər.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi