KİV: Hələbdə bir neçə partlayış törədilib, ölənlər var

Suriyanın Hələb şəhərində bir neçə partlayış törədilib.

"Report" TASS-a istinadən xəbər verir ki, bu barədə "Al Arabiya" telekanalı məlumat yayıb.

Məlumata görə, hadisə şəhərin şərq hissəsində qeydə alınıb. Partlayışlar Suriya ordusunun Əz-Zarazir ərazisindəki kəşfiyyat qərargahının binası yaxınlığında törədilib.

Telekanal partlayışlar zamanı qurbanların olduğunu istisna etməyib. Lakin hələlik ölənlərin sayı barədə açıqlama verilmir.