Kanadanın bir neçə əyaləti ABŞ istehsalı spirtli içkilərin satışını qadağan edib

Kanadanın bir neçə əyaləti ABŞ-nin Kanada mallarına tətbiq etdiyi tariflərə cavab olaraq Amerika istehsalı spirtli içkilərin satışını qadağan edib.

“Report” xəbər verir ki, bu barədə Agence France-Presse (AFP) məlumat yayıb.

Qeyd olunub ki, Ontario, Kvebek, Manitoba və Britaniya Kolumbiyası əyalətlərində artıq qadağa qüvvəyə minib. Ontario qubernatoru Dug Ford qərarın ABŞ istehsalçılarına ciddi zərbə vuracağını vurğulayıb.

Qeyd edək ki, Kanada 155 milyard dollarlıq ABŞ mallarına qarşı 25 faiz rüsum tətbiq edəcək.