Kanadada leysan yağışlar daşqınlara səbəb olub, ölənlər var

Kanadanın qərbindəki Britaniya Kolumbiyası əyalətində leysan yağışlar güclü daşqınlara səbəb olub.

"Report" xəbər verir ki, bu barədə CBC kanalı yerli polisə istinadən məlumat yayıb.

Məlumata görə, daşqınların yaratdığı palçıq axınlarında 4 nəfərin meyiti tapılıb.

Hazırda itkin düşmüş bir nəfərin axtarışları davam etdirilir.

Bölgədə təbii fəlakətlə əlaqədar fövqəladə vəziyyət elan edilib.

Daşqınların nəticələrini aradan qaldırmaq üçün Kanada hərbçiləri cəlb olunub.