Yuxarı
    Bağlamaq

    ​Kanadada hava limanı yanıb - VİDEO

    Yanğınlara 250 yanğınsöndürən, 17 təyyarə və 12 vertolyot cəlb olunub

    Bakı.5 may.REPORT.AZ/ Meşə yanğınları səbəbindən Kanadanın Alberta əyalətində Fort-Makmürrey şəhəri yaxınlığında yerləşən hava limanı yanmağa başlayıb.

    "Report" xəbər verir ki, bu barədə CBC telekanalı məlumat yayıb.

    Kanadanın Nəqliyyat Nazirliyinin məlumatına görə, yanğın hava limanının şimal hissəsindədir. Yanğın nəticəsində artıq otel, mağaza və bir neçə tikili sıradan çıxıb. Alov yayılmaqda davam edir. Terminallardakı sərnişinlər təhlükəsiz yerlərə təxliyə olunub. Aeroportun bütün ərazisi tüstüyə bürünüb. Bütün reyslər ləğv olunub, lakin əməkdaşların bir hissəsi hava limanının cənub hissəsində qalmaqdadır.

    Ötən gün regionda fövqəladə vəziyyət rejimi tətbiq olunub.

    Bundan əvvəl 1,5 min nəfər təbii fəlakət zonasından təxliyə edilib. Beləliklə təxliyə olunan Alberta sakinlərinin sayı 90 min nəfərə çatıb.

    Yanğının söndürülməsinə 250-dən çox yanğınsöndürən, 17 təyyarə və 12 vertolyot cəlb olunub.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi