Kanadada 6,5 bal gücündə zəlzələ olub

Kanadada zəlzələ qeydə alınıb.

“Report” xəbər verir ki, bu barədə “Reuters” ABŞ-ın Geologiya Xidmətinə istinadən bildirib.

Məlumata görə, zəlzələ 6,5 maqnitudada Kitimatdan (Britaniya Kolumbiyasının dairəsi) 164 kilometr cənub-şərqdə baş verib.

Seysmoloqların informasiyasına əsasən, zəlzələ ocağı 15 kilometr dərinlikdə yerləşib.

Hələlik tələfat və ya dağıntı barədə məlumat yoxdur.