Kanada Rusiyaya yeni sanksiyalar tətbiq edib

Kanada hökuməti Rusiyadan olan 40 fiziki və 17 hüquqi şəxsi sanksiyalar siyahısına əlavə edib.

“Report” xəbər verir ki, bu barədə Rusiyanın “Kommersant” nəşri məlumat yayıb.

Xatırladaq ki, bundan əvvəl Kanada Xarici İşlər Nazirliyi Rusiyaya qarşı sanksiyaları genişləndirmək planlarını açıqlamışdı. Həmin vaxt təbii qaz, neft və kimya sektorlarına, o cümlədən sənaye istehsalına məhdudiyyətlərin genişləndirilməsi planlaşdırılırdı.