Bakı. 3 oktyabr. REPORT.AZ/ Kanada İndoneziyada zəlzələ və sunamidən zərərçəkənlərə yardım göstərən humanitar təşkilatlara 1,5 milyon dollar vəsait ayıracaq.
“Report” RİA "Novosti"yə istinadən xəbər verir ki, bu barədə Kanada hökumətinin saytı yazıb.
"Kanada İndoneziyada zəlzələ və sunaminin yaratdığı dağıntı və insan tələfatından dərindən kədərlənir. Bu fövqəladə yardım köməyə möhtac olan yerlərdə, qəsəbələrdə işləyən etibarlı humanitar tərəfdaşlarımıza veriləcək" — deyə Kanadanın beynəlxalq inkişaf naziri Mari-Klod Bibo bildirib.