Kamerunda gecə klubunda partlayış baş verib, 17 nəfər ölüb

Kamerunun paytaxtı Yaunde şəhərində yerləşən gecə klublarının birində baş verən partlayış nəticəsində azı 17 nəfər həlak olub.

“Report” xəbər verir ki, bu barədə “Anadolu” agentliyi polisə istinadən məlumat yayıb.

Qeyd olunub ki, partlayış yerli vaxtla 03:00 (Bakı vaxtı ilə 06:00) radələrində baş verib. Ölənlərlə yanaşı, 10 yaralı da var.

Hadisə ilə bağlı araşdırmalara başlanılıb, polis zərərçəkənlərin şəxsiyyətini müəyyənləşdirməyə çalışır.