Bakı. 21 noyabr. REPORT.AZ/ Cümə günü ABŞ-ın Kaliforniya ştatının San-Xose şəhərində "Cessna 172" tipli yüngül mühərrikli təyyarə yaşayış evinin üzərinə düşüb.
“Report” xəbər verir ki, "The Mercury News" nəşrinin məlumatına görə, təyyarənin göyərtəsində üç nəfər olub, onlardan ikisi kritik vəziyyətdə xəstəxanaya yerləşdirilib.
Daha bir nəfər yüngül xəsarət alıb. Ev sakinlərindən xəsarət alan olmayıb.
Bildirilir ki, pilot havaya qalxdıqdan dərhal sonra texniki qüsurla bağlı Reyd-Xillvyu aerodromu ilə əlaqə saxlayıb. O, aerodroma dönmək istəyib, lakin zolağa yetişə bilməyib.