Yuxarı

Kaliforniyada məscidin qəsdən yandırıldığından şübhələnilir

Yanğın cümə namazından öncə baş verib. Xəsarət alan olmayıb

Bakı. 12 dekabr. REPORT.AZ/ ABŞ-ın Kaliforniya ştatının cənubundaki Koaçella şəhərində məscid yanıb.

"Report"un "Amerikanın Səsi"nə istinadən verdiyi xəbərə görə, yanğın cümə namazından öncə baş verib. Xəsarət alan olmayıb.

Rəsmilər yanğının qəsdən törədildiyindən şübhələnir.

Təhqiqatda Federal Təhqidat, habelə alkoqol, tütün, odlu silhalar və partlayıcılarla mübarizə büroları iştirak edir.

Qeyd edək ki, hadisə yerindən 125 km uzaqlıqda yerləşən San Bernardinoda radikal islamçı cütlük 14 nəfərin ölümünə yol açan hücum həyata keçirmişdi.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi