Kabildə terror aktlarında ölənlərin sayı 22 nəfərə çatıb, 119 yaralı var

Bakı. 2 mart. REPORT.AZ/ Əfqanıstanın paytaxtı Kabildə törədilən silsilə partlayışlar nəticəsində aralarında qadın və uşaqlar da olmaqla 22 nəfər həlak olub, 119 nəfər yaralanıb.

“Report” “Tolonews” televiziyasına istinadən xəbər verir ki, bunu yerli hakimiyyətin nümayəndəsi bildirib.

Terror aktının məsuliyyətini “Taliban” hərəkatı üzərinə götürüb.

Qeyd edək ki, silsilə partlayışlar martın 1-də törədilib. Terrorçu-kamikadze polis departamentinin və təhlükəsizlik idarəsinin binası qarşısında özünü partladıb.