Kabil hava limanı atəşə tutulur

Əfqanıstanın paytaxtı Kabil şəhərində yerləşən hava limanı atəşə tutulur.

“Report” xəbər verir ki, bu barədə ABŞ-ın Əfqanıstandakı səfirliyi məlumat yayıb.

“Amerika vətəndaşlarının təxliyə edildiyi Kabildəki hava limanının atəşə tutulduğu bildirilir. Bütün Amerika vətəndaşlarına sığınacaq tapmağı məsləhət görürük”-deyə, məlumatda qeyd olunub.

Qeyd edək ki, ABŞ-ın və Fransanın Əfqanıstandakı səfirliyi fəaliyyətlərini Kabil hava limanında davam etdirirlər.