Bakı. 5 iyul. REPORT.AZ/ Liviyanın paytaxtı Tripolidə çimərliklərdən birinə düşən raketin partlaması nəticəsində 5 nəfər ölüb, 25 nəfər yaralanıb.
“Report” “France Press”ə istinadən xəbər verir ki, bu haqda Liviyanın Səhiyyə Nazirliyi məlumat yayıb.
İnformasiyaya əsasən, partlayış Tripolinin şərqində yerləşən hava limanının yaxınlığında sahil zolağında baş verib.
Raket atəşinin məsuliyyətini hələ ki, üzərinə götürən yoxdur.