İtaliya Avropa ölkələrindən gələnlər üçün məcburi koronavirus testini bərpa edir

İtaliya Avropa İttifaqı ölkələrindən ölkəyə gələnlər üçün məcburi koronavirus testini bərpa edib.

"Report" xəbər verir ki, bu barədə ANSA agentliyi məlumat yayıb.

Ölkənin Səhiyyə Nazirliyinin məlumatına görə, bu, nəticəsi 24 saat etibarlı olan ekspres və ya 48 saat etibarlılıq müddəti olan PCR testi ola bilər.

"La Repubblica" qəzetinə görə, sınaq tələbi dekabrın 16-da qüvvəyə minir və yanvarın 31-dək davam edəcək.

Eyni zamanda, peyvənd olunmamış avropalılar beş günlük karantində qalmalıdır.

Bununla yanaşı, Nazirlər Şurası bu gün keçirilən iclasında pandemiya ilə əlaqədar fövqəladə rejimin 2022-ci il martın 31-dək uzadılması barədə qərar qəbul edib.