İsveçdə məscid yaxınlığında atışma olub, bir neçə nəfər xəsarət alıb

İsveçin Erebru şəhərində məscid yaxınlığında atışma nəticəsində bir neçə nəfər xəsarət alıb.

“Report” xəbər verir ki, bu barədə SVT telekanalı polisə istinadən bildirib.

"Xəsarət alanlar var, lakin hazırda onların vəziyyəti barədə məlumatımız yoxdur", - polisdən bildirilib.

Xəsarət alanların dəqiq sayı açıqlanmır.

Şahidlərin sözlərinə görə, naməlum şəxs məsciddən çıxan bir şəxsə atəş açıb.