İsrailin hərbi əməliyyatlarından sonra 460 mindən çox şəxs Livanı tərk edib

İsrailin “Hizbullah” hərəkatına qarşı başlatdığı hərbi əməliyyatlardan sonra 460 mindən çox şəxs Livanı tərk edib.

“Report” xəbər verir ki, bu barədə BMT-nin Livandakı Humanitar Məsələlərin Əlaqələndirilməsi İdarəsi məlumat yayıb.

BMT-nin Qaçqınlar üzrə Ali Komissarlığı və Suriya Qızıl Aypara Cəmiyyəti bildirib ki, sentyabrın 23-dən bəri Livandan Suriyaya 440 minə yaxın, İraqa isə 22 min insan gedib.