İsraildə helikopter qəzaya uğrayıb, ölənlər var

İsrailin Afula şəhərində helikopterin qəzaya uğraması nəticəsində iki nəfər ölüb.

“Report” İsrail KİV-inə istinadən xəbər verir ki, bu barədə hadisə yerinə cəlb edilən təcili yardım xidmətinin əməkdaşları bildirib.

Məlumata görə, onlar hadisə yerində yanan helikopterin yanında huşsuz vəziyyətdə olan pilot və sərnişin aşkarlayıblar. Xidmət əməkdaşları hər iki kişinin öldüyünü bildiriblər.

Hadisə yerində polis əməkdaşları araşdırma aparır. İstintaq başlayıb.