İsraildə meşə yanğınları başlayıb

İsraildə isti hava şəraiti fonunda bir neçə rayonda eyni vaxtda meşə yanğınları başlayıb.

“Report” xəbər verir ki, bu barədə “Ynet” portalı məlumat yayıb.

"Onlarla briqada, təyyarə və helikopter Mazkeret-Batya və Beyt-Şemeş rayonunda evlərə və dəmir yolu xətlərinə yayılan yanğının söndürülməsi istiqamətində işləyir. Yanğından mühafizə xidmətində ümumi səfərbərlik elan edilib", - məlumatda bildirilib.

Qeyd olunub ki, yanğınlar səbəbindən bir neçə istiqamətdə qatarların hərəkəti dayandırılıb.

Yanğınlar isti hava şəraitinin səbəb olduğu quraqlıq nəticəsində başlayıb. Bəzi yerlərdə havanın temperaturu +34 dərəcəyə çatıb.