İsraildə fələstinlinin bıçaqlı hücumu nəticəsində 4 nəfər ölüb

İsrailin cənubunda, Beer-Şeva şəhərində yerləşən ticarət mərkəzində ölkənin vətəndaşı olan ərəbin bıçaqlı hücumu nəticəsində dörd israilli ölüb, bir neçə nəfər müxtəlif dərəcəli xəsarət alıb.

“Report” xəbər verir ki, bu barədə İsrailin Kan dövlət radiostansiyası məlumat yayıb.

Hücumu əvvəllər terror təşkilatında iştiraka görə həbs cəzası çəkmiş, İsrail vətəndaşlığı olan Hura ərəb kəndinin sakini həyata keçirib. Terrorçu açılan atəş nəticəsində hadisə yerində zərərsizləşdirilib.

İsrailin baş naziri Naftali Bennet insidentdən sonra daxili təhlükəsizlik naziri və baş polis müfəttişi ilə görüşüb.