İsrail Livanın cənubunda “Hizbullah”ın səhra komandirini öldürüb

İsrail ordusu Livanın cənubunda “Hizbullah”ın səhra komandirinin hava zərbəsi ilə öldürüldüyünü açıqlayıb.

“Report” xəbər verir ki, bu barədə ordunun mətbuat xidməti məlumat yayıb.

“İsrail Hərbi Hava Qüvvələri Livanın cənubundakı Kana bölgəsində “Hizbullah”ın səhra komandirini öldürüb”, - bəyanatda deyilir.

Qeyd edilib ki, öldürülən şəxs İsrailə qarşı çoxlu sayda terror aktının planlaşdırılması və həyata keçirilməsinə görə məsuliyyət daşıyırdı.