İsrail hərbçiləri HƏMAS-ın rəhbər şəxslərindən birini ələ keçirib

İsrail hərbçiləri HƏMAS-ın rəhbər şəxslərindən biri olan Hüseyn Əbu Queyqi ələ keçirib.

“Report” xəbər verir ki, bu barədə xarici KİV məlumat yayıb.

Qeyd olunub ki, o, qruplaşmanın Ramallahdakı qolunun liderlərindən biri olub.

Məlumata görə, o, İordan çayının qərb sahilindəki Əl-Bira şəhərində ələ keçirilib. İsrail Müdafiə Ordusu hələ ki, bu barədə rəsmi açıqlama verməyib.

Xatırladaq ki, HƏMAS-la İsrail arasında müharibə bu il oktyabrın 7-də başlayıb.