İsrail bir həftə ərzində “Hizbullah”ın raketlərinin yarısını məhv edib

İsrail Müdafiə Qüvvələri bir həftə ərzində Livanın “Hizbullah” hərəkatının raketlərinin, demək olar ki, yarısını məhv edib.

“Report” xəbər verir ki, bu barədə “Politico” yazıb.

“İsrailin bir həftəlik hərbi əməliyyatları, bəzi İsrail hesablamalarına görə, nəhəng raket arsenalının, demək olar ki, yarısının məhv edilməsinə gətirib çıxarıb”, – nəşr qeyd edib.

“Politico”nun məlumatına görə, İsrail xəbərdarlıq edib ki, “Hizbullah” bütün qüvvələrini Litani çayının şimalından, İsrail-Livan sərhədindən 18 kilometr uzaqlığa çəkməsə, İsrail ordusu qurudan hücuma keçəcək.