İspaniyada güclü yanğın olub, ölən və xəsarət alanlar var

İspaniyanın paytaxtı Madriddə italyan restoranında "Alovlu pizza” əyləncə mərasimində baş verən yanğın zamanı 2 nəfər ölüb, daha 12 nəfər xəsarət alıb.

Bu barədə “Report” yerli mətbuata istinadən xəbər verir.

Qeyd edilir ki, hadisəyə səbəb ofisiantın pizzanı yandırarkən, alovun tavan bəzəklərinə keçməsi olub. Bundan sonra alov restoranı bürüyüb.

Madrid meri Luis Martinez-Almeyda ölənlərdən birinin restoran işçisi, digərinin isə müştəri olduğunu bildirib.

Hadisə ilə bağlı araşdırma aparılır.