İspaniyada meşə yanğınlarını törətməkdə şübhəli bilinən 48 nəfər saxlanılıb

İspaniyanın Daxili İşlər Nazirliyi meşə yanğınlarını törətməkdə şübhəli bilinən 48 nəfəri saxlayıb.

“Report” xəbər verir ki, bu barədə “Europa Press” agentliyi məlumat yayıb.

Bundan əlavə, 134 nəfər istintaq altındadır.

Yanğınlar ümumilikdə 1 500 hektar ərazini əhatə edib.

Bundan əvvəl meşə yanğınları nəticəsində ən azı yeddi nəfərin həlak olduğu bildirilib. Həmçinin onlarla insan xəsarət alıb, onlardan dördünün vəziyyəti ağırdır.