İspaniya Ukrayna üçün “qırıcı koalisiyasına” qoşula bilməyəcək

İspaniya F-16-da ukraynalı pilotlara təlim keçə və bu təyyarələri Ukraynaya təhvil verə bilməyəcək, çünki özünün arsenalında yoxdur.

“Report” EFE-yə istinadən xəbər verir ki, bu barədə İspaniyanın müdafiə naziri Marqarita Robles bildirib.

Nazir vurğulayıb ki, İspaniya “öz imkanları daxilində Ukraynanı tam və birmənalı dəstəkləyir”. O qeyd edib ki, İspaniyada F-18 və “Eurofighter” qırıcıları var, lakin F-16-ların olmaması bu təyyarələrin təmin edilməsini və ya təlim keçməsini istisna edir.

Onun sözlərinə görə, İspaniya Ukraynaya “imkanlarına uyğun olaraq” dəstək verir və F-16-lar və pilotların hazırlanmasını planlaşdıran digər ölkələrlə həmrəylik nümayiş etdirir.