İrəvanda atışma baş verib, yaralanan var

İrəvanda baş verən atışma zamanı bir nəfər yaralanıb.

“Report” xəbər verir ki, bu barədə Ermənistan KİV-i məlumat yayıb.

Bildirilib ki, aprelin 14-də təxminən saat 01:50-də polisə Maştots prospektində atəş səslərinin eşidildiyi barədə məlumat daxil olub. Hadisə nəticəsində “Cadillac” markalı avtomobilinin ön şüşəsi, həm də park edilmiş “Jeep” avtomobili zədələnib.

Məlumata görə, Gürcüstan dövlət nömrə nişanlı “Cadillac” markalı avtomobildə olan vətəndaşa ilkin tibbi yardım göstərdikdən sonra o xəstəxanaya çatdırılıb.

Qeyd olunub ki, hadisə yerindən 20-30 metr məsafədə 10-dan çox giliz, dörd güllə və qan izləri aşkar edilib.