İraq İsveç səfirini "persona non-grata" elan edib

İraq hökuməti İsveçin Bağdaddakı səfiri Cessika Svardstryomun ölkədən çıxması haqqında qərar qəbul edib.

“Report” TASS-a istinadən xəbər verir ki, bu barədə İraq Baş nazirinin ofisindən bildirilib.

İraq hökuməti qeyd edib ki, Quranın Stokholmda yandırılması təkrarlanarsa, rəsmi Bağdad İsveçlə diplomatik əlaqəni tamamilə kəsəcək.

İraqın baş naziri Məhəmməd əl-Sudani deyib ki, hökumət Stokholmdakı müvəqqəti işlər vəkilini geri çağırmaq qərarına gəlib.