İngiltərədə qatarlar toqquşub, xəsarət alanlar var

İngiltərədə iki qatar toqquşub.

“Report” BBC-yə istinadən xəbər verir ki, bu barədə Uiltşir qraflığı polisinin xəbərində bildirilir.

Məlumata görə, hadisə Solsberi şəhəri yaxınlığında qeydə alınıb.

Qeyd edilir ki, hadisə zamanı 13 nəfər xəsarət alıb. Lakin onların xəsarətləri yüngüldür.

Qəza yerinə yanğınsöndürmə, hüquq-mühafizə orqanları və təcili yardım xidmətlərinin əməkdaşları cəlb olunub.

Hadisənin başvermə səbəbi ilə bağlı təhqiqat aparılır.

pic.twitter.com/OIXYUWO8CJ

— Gemma Gibson (@journal_gem) October 31, 2021