İndoneziyada torpaq sürüşməsi olub, 3 nəfər ölüb

İndoneziyanın Sumatra adasının cənubunda Lampunq əyalətində torpaq sürüşməsi nəticəsində azı 3 sakin ölüb.

“Report” “Xinhua”ya istinadən xəbər verir ki, bu barədə İndoneziyanın Təbii Fəlakətlərlə Mübarizə üzrə Milli Agentliyi məlumat yayıb.

Torpaq sürüşməsinə səbəb olaraq son günlər regionda yağan davamlı leysan yağışlar göstərilir.

Agentlik yaxın günlərdə Sumatra adasının cənubunda rayonların çoxunda fasiləsiz yağış yağacağı barədə xəbərdarlıq edib.