İlin əvvəlindən 4 400-dən çox qanunsuz miqrant Liviyaya qaytarılıb

Beynəlxalq Miqrasiya Təşkilatı (IOM) ilin ilk dörd ayında Avropaya keçməyə cəhd edən ümumilikdə 4461 qanunsuz miqrantın Liviya ərazisinə qaytarıldığını bildirib.

"Report" bu barədə "Anadolu"ya istinadən xəbər verir.

Təşkilat miqrantların bir qisminin dənizdə ölümdən xilas edildiyini, bəzilərinin isə qeyri-qanuni miqrasiyaya görə saxlanıldığını bildirib.

Liviyaya deportasiya edilən miqrantlar arasında 3 876 kişi, 410 qadın və 175 uşaq var.

2021-ci ildən indiyədək 32 425 qanunsuz miqrant Liviyaya qaytarılıb, 662 nəfər ölüb, 891 nəfər itkin düşüb.