Yuxarı
    Bağlamaq

    ​İtaliyanın Sahil Mühafizə Xidməti 1000 miqrantı xilas edib

    Mühacirlərin olduğu gəmi Liviya sularını tərk etmədən batıb

    Bakı. 29 oktyabr. REPORT.AZ/ Çərşənbə günü səhər İtaliyanın Sahil Mühafizə Xidməti Liviya sahillərində min miqrantı xilas edib.

    "Report" "Reuters"ə istinadən xəbər verir ki, miqrantları daşıyan gəmi ərəb dövlətinin ərazi sularını tərk etməmiş çevrilib.

    Mühacirlər Aralıq dənizini keçməyi planlaşdırıblar, lakin hava şəraitinin pisləşməsi ilə əlaqədar olaraq gəmi çevrilib. İtaliyanın öz dövləti sahillərində keşik çəkən Sahil Mühafizə Xidməti zərərçəkənlərin köməyinə gəlib və onları ölümdən xilas edib.

    Afrikadan İtaliya vasitəsilə Avropaya gəmilərlə 140 min qaçqın gəlib. Dəniz yolu ilə Avropaya ümumilikdə 700 min nəfər üz tutub ki, onların da əksəriyyəti Yunanıstan vasitəsi ilə gəlib.

    Xilasetmə əməliyyatında, həmçinin Böyük Britaniya, İrlandiya, Sloveniya və Almaniyanın hərbi gəmiləri iştirak edib. Onlar Avropa İttifaqının cənub sərhədlərinin birgə patrul xidmətini aparırlar.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi