Bakı. 19 yanvar. REPORT.AZ/ İtaliyanın Qran-Sasso dağ massivində yerləşən Abrusso vilayətində qar uçqunu nəticəsində yerli "Rigopiano di Farindola" oteli qarın altında qalıb. Hadisə baş verən zaman içəridə 20-dən çox insanın olduğu ehtimal edilir.
"Report" xəbər verir ki, bu barədə "RaiNews" telekanalı məlumat yayıb.
Hazırda hadisə yerində xilasedicilər işləyir. Otel müştəriləri və əməkdaşlarının telefonlarına zəng çatmır.
Peskara əyalətinin rəhbəri Antonio Di Marko insidenti "dəhşətli faciə" adlandırıb.