İtaliyada əldəqayırma bomba partlayıb: bir ölü, bir yaralı

Bakı. 22 dekabr. REPORT.AZ/ İtaliyanın cənubunda yerləşən Neapol şəhərində əldəqayırma bombanın partlaması nəticəsində bir nəfər ölüb, bir nəfər yaralanıb.

“Report” TASS-a istinadən xəbər verir ki, bu haqda polis məlumat yayıb.

32 yaşlı kişi partlayış baş verən zaman bombanın yaxınlığında olub və aldığı yaradan xəstəxanada ölüb. Partlayış nəticəsində yaralanan 43 yaşlı qadın isə xəstəxanaya yerləşdirilib.

Partlayışın dalğası iki avtomobilə zərər yetirib. Hadisənin səbəb araşdırılır. Terror ehtimalı nəzərdə keçirilmir.